Kembang Wayah Sore

Srengenge alon lumaku mangulon

katon kuning ing sapucuke godhong krambil sinom

kembang wayah sore nggrumbul tengahing tegalan

kanggo ngeyup puyuh bubar playonan

oyak-oyakan karo kancane

Satengahing angin mbidig radha nyengkut

ditandani semine kembang pelem

kanthi ayem manuk emprit lan prenjak

pathing kemriyek bungah

pathing sumliwer nyamber kinjeng lan bandempo

sak dhuwure kembang wayah sore

sing siji loro ngatonake wangine wayah sore

Samsaya alon surup katon prepet

manjing sajroning wiwit wengi

jangkrik tata-tata nyepakake swara

kanggo ngacani kembang wayah sore

sing ndelikake wangine ganda

samsaya tentrem lan ayem

sesuk bakal ketemu maneh

klawan kembang wayah sore

kanthi pengarep-arep

kalangkung endah tinimbang dino iki