Nggugah Wayah

Wayah, ora umume wong podho nyekel nggawe

tangine playon balapan karo swarane jago

ndisiki tangine srengenge

nggoleki isine lathi

nguber tentreme manah

Swara manuk greja, sing ora pathi nglaras

amarga tilang, podang, kacer, prenjak

wus padha musno, tanpa katon tibane wulune

rasa panas, sanajan bulan awan durung ndelik

wayah, sing wus ora bisa tak kiro-kiro 

Tembang bocah dolanan, wus ora koyo wayah winginane

akeh pitutur lan piwulang

akeh bebrayan lang jagongan

saiki tembange wus angel nggugah wayah

 

Kangen ayem

Galengan sawah

wis suwe ora nyawang

playon ing sak dawane galengan

sak kesele, nganti kepleset nyemplung neng sawah

gluprut gupak blethok, nangin atiku roso ayem

Nyawan sing podho nandur

runtut, bebarengan gotong royong

sinambi geguyonan, ora mikir polah tingkahe pejabat

raine sumringah katon ayem

Ora krasa surup 

angin sumilir anteng, kupu, walang, kepik pathing sumliwer

playon ngenteake wayah

srengenge samsaya mangulon

tengahing sawah sepi, tentrem .... lan ayem